WC 2013

Save pagePDF pageEmail pagePrint page

1.WC oassegilvu mii dollui Mázes vuoiti Royal Duottar Hearggit  áiggiin 17.150 maid Máret Áile Sara eaiggáda ja su oabbá Ánne Risten Sara vuoji. Máze heargi Rulle maid  Nils N Nilsen Eira eaiggáda šattai nubbin áiggiin 17.161 ja goalmmádin bođii Ráidná, Anne Risten Sara heargi ádjánii 17.405. Rulle vujii veterána Isak Anders Eira Mázes eret ja Guovdageainnu bárdni Issat Ante Sara vujii Ráidná. Válgon Muzet lei maid finálaheargi áiggiin 18.037. Heargi eaiggát lea Ellen Inger Gaup Mázes eret.

Dat njeallje heargi leat njunnošis WC.as. Royal 36 čuoggá, Rulle 35 č., Ráidná 34 č. ja Valgon Muzehis leat 33 čuoggá.

Nubbi WC- gilvu dollo Guovdageainnus njukčamánu 2. ja 3. beaivvi. Dán gilvus lea 1000 m. Gilvvuid lágideaddji lea Duottar Hearggit. SHL:as leat nu ollu fális heargi ahte lea hui váttis tihppet gii vuoitá.

Guovdageainnus dollojit vuosttaš geardde 3 gilvoluohkká. Báhkkaluohkká, rabasluohkká ja juniorluohkká.